راولپنڈی: کوئٹہ گلیڈی ایٹرز کے کپتان سعودشکیل نے میچ جیتنے کے بعد بابر اعظم اور محمد کے حوالے سے اظہار خیال کیا ہے۔
میچ کے بعد پریس کانفرنس کرتے ہوئے کپتان کوئٹہ گلیڈی ایٹرز کا کہنا تھا کہ بابر اعظم کھڑے ہوجائیں تو دوسری ٹیم کے لئے مشکل ہوجاتی ہے، محمد عامر تجربہ کار بولر ہیں، انھیں سمجھانے کی ضرورت نہیں پڑتی۔
سعود شکیل کا کہنا تھا کہ گزشتہ سال سے نئے شاٹس پر کام کررہا ہوں، ماڈرن ڈے کرکٹ کو دیکھتے ہوئے نئی شارٹس سیکھنا ضروری ہیں۔
بابر اعظم نے محمد عامر کی گیند پر آؤٹ ہوکر ناپسندیدہ ریکارڈ بنا دیا
کپتان کوئٹہ گلیڈی ایٹر نے کہا کہ گزشتہ پی ایس ایل میں کوئٹہ گلیڈی ایٹرز کو انجریز کا سامنا کرنا پڑا تھا، رواں پی ایس ایل میں کوشش کروں گا کھلاڑیوں کو فٹ رکھوں۔
خیال رہے کہ پی ایس ایل 10 کے پہلے میچ میں پشاور زلمی کے کپتان بابر اعظم نے محمد عامر کی گیند پر صفر پر آؤٹ ہوکر ناپسندیدہ ریکارڈ اپنے نام کیا تھا۔
بابر اعظم کو محمد عامر نے صفر پر پویلین کی راہ دکھائی، پی ایس ایل کی تاریخ میں سب سے زیادہ صفر پر آؤٹ ہونے والے بیٹرز کی فہرست میں بابر اعظم تیسرے نمبر پر آگئے ہیں۔
