ریاض: سعودی عرب کے فلاحی ادارے(تکافل چیرٹی فاؤنڈیشن) نے 2 لاکھ 70 ہزار پسماندہ طلبا کے لیے 134 ملین امدادی رقم جاری کردی۔
عرب میڈیا کی رپورٹ کے مطابق تکافل چیریٹی فاؤنڈیشن نے مالی مشکلات کے شکار طلبا کی مالی مدد کی غرض سے موجودہ تعلیمی سال کے پہلے بیج کے لیے امدادی رقم جاری کی۔
رپورٹ میں بتایا گیا کہ 17 ہزار سرکاری اسکولوں میں لگ بھگ دو لاکھ 70 ہزار طلبا سعودی فلاحی ادارے کی مذکورہ رقم سے مالی مدد حاصل کریں گے۔
یہ امدادی رقم ان طالب علموں کی مدد کرے گی جنہوں نے مقرر کردہ شرائط پر عمل کرتے ہوئے گزشتہ تعلیمی سال کے لیے پہلے رجسٹریشن کی تھی۔ متعلقہ اداروں نے مستحق طلبا کا انتخاب کیا ہے۔
خیال رہے کہ تکافل چیریٹی فاؤنڈیشن مرد اور خواتین طلبا کے لیے دیگر سپورٹ پروگرام (مواد، اخلاقی اور تعلیمی) بھی فراہم کرتا ہے جس سے شہری مستفید ہورہے ہیں۔
تکافل چیریٹی فاؤنڈیشن مدینہ منورہ میں یتیم بچوں کے لیے منعقدہ خصوصی تعلیمی ایوارڈ منعقد کرتی ہے۔
