سعودی عرب نے مقامی عازمین حج کے لیے ویکسینیشن لازمی قرار دے دی۔
اگر آپ اس سال حج پر جانے کا ارادہ کر رہے ہیں، تو یہ یقینی بنانا ضروری ہے کہ آپ حج کے لیے لازمی ویکسین سے متعلق بھی آگاہ رہیں۔
اس ہفتے کے شروع میں سعودی وزارت حج و عمرہ نے اعلان کیا تھا کہ وہ مقامی عازمین جو مملکت میں رہتے ہیں اور جنہوں نے پانچ سال قبل حج کیا تھا وہ اس سال کے حج کے لیے بھی درخواست دے سکتے ہیں۔
Guests of Allah who have completed the steps of #Applying_for_Hajj
We would like to remind you that Hajj permits will be issued starting from 15th of Shawwal, and completing the mandatory vaccinations is required to obtain your permit. #Makkah_and_Madinah_Eagerly_Await_You pic.twitter.com/VN3Zt0fJz1
— Ministry of Hajj and Umrah (@MoHU_En) April 2, 2023
2 اپریل کو، وزارت کے انگریزی زبان میں ٹویٹر اکاؤنٹ پر جاری پوسٹ میں حج اجازت نامہ حاصل کرنے کے لیے مقامی عازمین حج کو ویکسین مکمل کرنے کی ضرورت کے بارے میں معلومات شائع کیں۔
مقامی حجاج کے لیے ویکسینیشن
وزارت کے مراسلہ کے مطابق مقامی حجاج کو درج ذیل لازمی ویکسین حاصل کرنے کی ضرورت ہے۔
• Covid-19 ویکسین
• گردن توڑ بخار کی ویکسین
• موسمی انفلوئنزا ویکسین
نوٹس کے مطابق حج سیزن شروع ہونے سے 10 دن پہلے ضروری ویکسینیشن مکمل کرنے کا آخری دن ہے۔ ماہ ذوالحجہ کی 10 تاریخ کو ہونے والا حج رواں سال 26 جون کو شروع ہونے کا امکان ہے تاہم حتمی تاریخ کا اعلان ذوالحجہ کا چاند نظر آنے کے بعد کیا جائے گا۔
