ریاض : سعودی فرمانروا شاہ سلمان بن عبدلعزیز نے ریاست کے اہم شعبے کے عہدیدار کو تبدیل کرتے ہوئے عبد الھادی المنصوری کو سول ایوی ایشن کا نیا سربراہ مقرر کردیا۔
تفصیلات کے مطابق خادم الحرمین الشریفین شاہ سلمان کی جانب سے نیا شاہی فرمان جاری کیا گیا، جس کے تحت شہری ہوا بازی کے سربراہ کو تبدیل کیا گیا ہے، عبدالھادی بن احمد المنصوری کو شہری ہوابازی کا نیا چیئرمین مقرر کردیا گیا۔
عرب خبر رساں ادارے کا کہنا تھا کہ نئے شاہی فرمان کے مطابق سول ایوی ایشن اٹھارٹی سعودی عرب کے نئے چیئرمین عبدالھادی المنصوری کا عہدہ وزیر کے برابر ہوگا۔
عرب خبر رساں ادارے کا کہنا تھا کہ عبدالھادی بن احمد المنصوری اس سے قبل وزیر مملکت برائے مواصلات کی حیثیت خدمات انجام دے چکے ہیں جبکہ وزارت صحت برائے ہیومن ریسورس کے سیکریٹری کے فرائض بھی انجام دے چکے ہیں۔
مقامی خبر رساں ادارے کا کہنا تھا کہ شہری ہوابازی کے نئے سربراہ مشیر برائے وزارت صنعت، توانائی، معدنی دولت اور ڈائریکٹر ہیومن ریسورس کی حیثیت سے بھی فرائض انجام دے چکے ہیں۔
مقامی خبر رساں اداروں کے مطابق عبدالھادی المنصوری نے دنیا کی سب سے بڑی تیل کی کمپنی آرامکو اور شاہ عبداللہ سینٹر فار پیٹرولیم اسٹڈیز اینڈ ریسرچ میں معتدد اہم عہدوں پر فائض رہے ہیں۔
غیر ملکی خبر رساں ادارے کا کہنا تھا کہ سعودی سول ایوی ایشن اٹھارتی کے نئے چیئرمین شاہ عبدالعزیز یونیورسٹی سے فارغ التحصیل ہیں جہاں سے انہوں نے کمپیوٹر سائنس میں گریجویشن اور ہیومن ریسورس کے ایگزیکٹیو پرواگرام میں ماسٹرز کی ڈگری حاصل کی تھی۔
