ریاض : سعودی عرب میں عمرہ زائرین کی بس خوفناک حادثے کا شکار ہوگئی، جس کے نتیجے میں 20 زائرین جاں بحق اور 29 زخمی ہوگئے۔
تفصیلات کے سعودی عرب کے علاقے عسیر میں ریجن میں بس الٹ گئی ، بس کے حادثے میں 20 عمرہ زائرین جاں بحق اور 29زخمی ہوگئے۔
بس الٹنے کا واقعہ سعودی عرب میں شمالی عسیرکے’شعاردرے‘میں پیش آیا ، بس مقامی شہریوں اور غیرملکیوں کو لے کر خمیس مشیط سے مکہ مکرمہ جارہی تھی کہ پُل سے ٹکرا کر الٹ گئی۔
بس بریک خراب ہونے کے باعث پل سے ٹکرا کر الٹی اور اس میں آگ لگ گئی، حادثےکی شکارہونےوالی بس میں زیادہ ترغیرملکی سوارتھے۔
سیکیورٹی فورس کے اہلکاروں نے حادثے کے بعد’’شعاردرے‘‘ کو بند کردیا جبکہ شہری دفاع اور ہلال احمر کی ٹیموں نے موقع پر پہنچ کر امدادی کارروائیوں کا آغاز کیا۔
زخمیوں کو ابتدائی طبی امداد کے بعد عسیرکےسینٹرل اسپتال منتقل کر دیا گیا اور متعلقہ حکام حادثے کی وجوہات جاننے کے لیے تحقیقات کر رہے ہیں۔
