سعودی عرب میں غیر ملکی ڈینٹسٹ بھرتی کرنے پر پابندی

ریاض: سعودی عرب نے ملک بھر میں غیر ملکی ڈینٹسٹ بھرتی کرنے پر پابندی عائد کردی اور حکم دیا ہے کہ صرف مقامی ڈاکٹرز بھرتی کیے جائیں۔

عرب میڈیا کے مطابق ایک روز قبل جاری سرکاری اعلامیے کے مطابق ملک بھر میں دانتوں کے غیر ملکی ماہر ڈاکٹر بھرتی کرنے پابندی ہوگی جس کا مقصد مقامی ڈاکٹرز کو مواقع فراہم کرنا ہے۔

یہ سرکاری اعلامیہ وزارت محنت( لیبر منسٹری) کی جانب سے جاری کیا گیا ہے جس کے مطابق نجی سیکٹر سے کہا گیا ہے کہ وہ شعبہ طب میں دانتوں کے ماہر ڈاکٹرز غیر ملکی کے بجائے مقامی افراد کو بھرتی کریں۔

واضح رہے کہ سعودی حکومت کے اس اقدام کا مقصد غیر ملکی افراد کے بجائے مقامی افراد کو روزگار دلانے کے اقدامات کا تسلسل ہے جس کے تحت چند روز قبل سعودی حکومت نے حکم دیا تھا کہ شاپنگ سینٹرز میں غیر ملکی کے بجائے مقامی افراد بھرتی کیے جائیں۔

اسی سے متعلق: غیرملکی تارکین کو شاپنگ مالز میں نوکریاں نہ دی جائیں، سعودی حکومت

Comments