The news is by your side.

Advertisement

سعودی عرب نے عمرہ زائرین کے داخلے پر پابندی لگا دی، ملک بھر میں مسافر پروازوں سے آف لوڈ

کراچی: سعودی عرب نے کرونا وائرس سے بچاؤ کے لیے عمرہ زائرین کے ملک میں داخلے پر پابندی لگا دی ہے۔

تفصیلات کے مطابق سعودی امور خارجہ نے کہا ہے کہ عمرے کے لیے سعودی عرب میں داخلہ عارضی طور پر معطل کیا گیا ہے، یہ اقدام کرونا وائرس سے بچاؤ کے لیے کیا جا رہا ہے۔

کرونا وائرس کے پیش نظر سعودی ایوی ایشن نے نئی پالیسی جاری کر دی، سیاحتی ویزے پر سعودی عرب کا سفر کرنے والوں کا داخلہ بھی معطل کر دیا گیا، ایران کے شہری بھی سعودی عرب میں داخل نہیں ہو سکیں گے، سیاحتی ویزے کے لیے ایران، چین، ہانگ کانگ اور اٹلی پر بھی پابندی لگا دی گئی۔

پی آئی اے ذرایع کا کہنا ہے کہ قومی ایئر لائن سعودی عرب کے لیے اپنا فلائٹ آپریشن جاری رکھے گی، تاہم عمرہ زائرین سفر نہیں کر سکیں گے، جدہ و مدینہ جانے والے عمرہ زائرین کو 48 گھنٹے کے لیے روکا گیا ہے، سعودی عرب سے پاکستانیوں کو وطن پہنچانے کے لیے آپریشن جاری رہے گا، 450 سے زائد عمرہ زائرین کو آف لوڈ کیا گیا ہے۔

مراسلہ جاری ہونے پر اتحاد ایئر لائن نے بھی 97 پاکستانی عمرہ زائرین کو آف لوڈ کر دیا، پی آئی اے اور غیر ملکی ائیر لائنز نے عمرہ زائرین سعودی عرب لے جانے سے انکار کر دیا ہے، غیر ملکی ایئر لائنز نے نوٹس بھی جاری کر دیا، جس کی وجہ سے ایئر پورٹس پر عمرہ زائرین کا رش لگ گیا ہے، ایئر پورٹ پر عمرہ زائرین نے عملے سے تکرار اور احتجاج بھی کیا۔

پاکستان میں‌ کرونا وائرس کے 2 کیسز کی تصدیق

اے آر وائی نیوز کے مطابق غیر ملکی ایئرلائن ای وائی 242 سے 50 عمرہ زائرین آف لوڈ کیے گئے، سعودی گلف فلائٹ 6 ایس 158 سے 10 عمرہ زائرین، پی آئی اے کی مدینہ جانے والی پرواز پی کے 747 سے 300 عمرہ زائرین جب کہ پشاور سے پرواز ای کے 20 سے بھی تمام عمرہ زائرین کو آف لوڈ کر دیا گیا۔ پی آئی اے کی رات ساڑھے دس بجے جانے والی پرواز پی کے 759 کے عمرہ زائرین کو بھی روک دیا گیا، پی کے 759 کے 340 سے زائد عمرہ زائرین کو گھروں سے نہ آنے کے لیے فون کالز کی گئیں۔ 

خیال رہے کہ پاکستان میں بھی 2 مریضوں میں کرونا وائرس کی تصدیق ہو گئی ہے۔

fb-share-icon0
Tweet 20

Comments

comments

یہ بھی پڑھیں