The news is by your side.

Advertisement

سعودی عرب : کیا شہری اب مرغی کا گوشت کھا سکتے ہیں؟

ریاض : سعودی فوڈ اینڈ ڈرگ اتھارٹی (ایس ایف ڈی اے) نے تھائی لینڈ سے مرغی کے گوشت، تازہ اور فروزن مصنوعات کی درآمد پرعائد عارضی پابندی ختم کردی ہے تاہم انڈے درآمد نہیں کیے جا سکیں گے۔

سعودی ذرائع ابلاغ کے مطابق سعودی فوڈ اینڈ ڈرگ اتھارٹی کی جانب سے مرغیوں کے گوشت اور ان سے تیارشدہ اشیاء کی درآمد پرعائد پابندی اٹھانے کا فیصلہ عالمی ادارہ صحت کی نئی رپورٹ پر کیا گیا ہے۔

مذکورہ رپورٹ میں بتایا گیا تھا کہ گزشتہ 4 برس کے دوران تھائی لینڈ میں پھیلی ہوئی برڈ فلو کی وبا اب ختم ہوگئی ہے۔

ایس ایف ڈی اے کی ٹیم نےعالمی ادارہ صحت کی رپورٹ کے بعد تھائی لینڈ کا دورہ کیا اور اپنے طور پر حقائق کی تصدیق کرنے کے بعد مرغیوں کے گوشت اور ان سے تیار کی جانے والی اشیاء پرعائد پابندی اٹھانے کی سفارش کردی تھی۔

یاد رہے کہ سعودی فوڈ اینڈ ڈرگ اتھارٹی نے تھائی لینڈ سے مرغیوں کے گوشت اور انڈوں کی درآمد پر پابندی کا فیصلہ وہاں برڈ فلو کی وبا پھیلنے کی بنا پر کیا تھا۔

 

Comments

یہ بھی پڑھیں