ریاض: سعودی عرب میں کورونا مریض قرنطینہ کے بجائے جان بوجھ کر شاپنگ مال میں گھومتا پھرتا رہا اور ویڈیو بنا کر فخریہ انداز میں سوشل میڈیا پر شیئر کردی۔
عرب میڈیا کی رپورٹ کے مطابق سعوی شہر حائل سے وائرل ہونے والی اس ویڈیو کے بعد پولیس نے ایکشن لیا اور مذکورہ کورونا مریض کو گرفتار کرلیا جس نے قرنطینہ اصولوں کی خلاف ورزی کی اور کئی لوگوں کی زندگیاں بھی ممکنہ طور پر خطرے میں ڈالیں، اس کارروائی میں دو افراد حراست میں لیے گئے۔
حائل پولیس کا کہنا ہے کہ مذکورہ شخص نے کورونا لاحق ہونے کے باوجود شاپنگ مال میں گھومنے پھرنے کی ویڈیو فخریہ طور پر سوشل میڈیا میں شیئر کی، وائرل مناظر پر دو افراد کو گرفتار کیا گیا۔
🎥 #فيديو جريمة متداولة .. #حائل
مصاب بـــ فيروس #كورونا تجوّل داخل مجمع تجاري رغم ثبوته اصابته، ما يعد تعمّد لنقل العدوى، وقام بتوثيق ذلك في مقطع فيديو.
🚨تم القبض على المصاب والمصوّر. pic.twitter.com/SheCCECkSa— تـ ـغـ ـا ر يـ د (@Twytat) August 3, 2021
پولیس کے مطابق گرفتار ہونے والوں میں سے ایک فرد کورونا کا شکار تھا جبکہ دوسرا اس کا ساتھی تھا جس نے ویڈیو بنا کر سوشل میڈیا پر شیئر کی تھی۔
گرفتار شہریوں کی عمریں 30 سال کے قریب ہیں۔ مذکورہ شخص نے آئیسولیشن کی خلاف ورزی کرتے ہوئے دوسرے افراد کے لیے خطرہ پیدا کیا، اس نے جان بوجھ کر وائرس پھیلانے کی کوشش کی۔
گرفتار شخص کو ایک سے 5 برس قید اور پانچ لاکھ ریال تک جرمانہ ہوسکتا ہے۔
