The news is by your side.

Advertisement

سعودی عرب: کیا بیرون ملک سفر کے لیے ویکسین کی شرط ہے؟

ریاض: سعودی وزارت صحت کا کہنا ہے کہ بیرون ملک سفر کے لیے کرونا ویکسین لگانے کی شرط نہیں رکھی گئی ہے۔

تفصیلات کے مطابق آج سعودی وزارت صحت کے ترجمان ڈاکٹر محمد العبد العالی نے بتایا کہ بیرون ملک سفر کے لیے کرونا ویکسین کی شرط نہیں ہے۔

انھوں نے مقامی میڈیا کو بتایا مملکت نے تاحال بیرون ملک سفر کو کرونا ویکسین سے مشروط نہیں کیا ہے، البتہ مستقبل میں کوئی ملک اس حوالے سے کوئی پالیسی مرتب کرتا ہے تو اس کی اطلاع کر دی جائے گی، تاہم سعودی عرب نے ابھی تک ایسا کوئی ضابطہ مقرر نہیں کیا۔

ترجمان کا کہنا تھا کرونا ویکسین کے مراکز میں مزید اضافہ کیا جا رہا ہے تاکہ زیادہ سے زیادہ لوگوں کی بہتر طور پر خدمت کی جا سکے، چناں چہ آئندہ دنوں میں مکہ مکرمہ اور مدینہ منورہ میں ویکسین سینٹر کھولا جائے گا۔

شاہ سلمان نے بھی کرونا ویکسین لگوالی

واضح رہے کہ سعودی وزارت صحت نے کرونا ویکسین کے سلسلے میں ایک صحت ایپ بھی لانچ کی ہے، ترجمان نے بتایا کہ اس ایپ کے ذریعے جن لوگوں نے کرونا ویکسین کے لیے رجسٹریشن کی ہے ان کی تعداد 20 لاکھ سے تجاوز کر چکی ہے۔

خیال رہے کہ سعودی عرب میں اہم شخصیات ویکسین لگوا چکے ہیں، آج سعودی بادشاہ سلمان بن عبدالعزیز نے بھی نیوم شہر میں واقع ویکسی نیشن سینٹر سے کرونا ویکسین لگوا لی۔

Comments

یہ بھی پڑھیں