ریاض: ایک شخص نے استفسار کیا ہے کہ سعودی عرب واپسی کی فلائٹ 25 جنوری ہے اور اسی دن خروج وعودہ کی بھی آخری تاریخ ہے، کیا اسی دن مملکت آ سکتا ہوں یا نہیں؟
سوال کے جواب میں جوازات کا کہنا تھا کہ خروج وعودہ کی تاریخ کے آخری دن بھی مملکت میں داخل ہوا جا سکتا ہے، تاہم اس امر کا خیال رکھا جائے کہ ایکسپائر ایگزٹ ری انٹری پر امیگریشن نہیں کی جا سکتی۔
خروج وعودہ پر جانے والوں کو اس امر کا بھی خیال رکھنا چاہیے کہ مملکت کے سرکاری اداروں میں قمری مہینے کے کیلنڈر کا رواج ہے، جس کی تاریخیں مختلف ہوتی ہیں۔
خروج وعودہ جاری کرانے پر حتمی واپسی کی تاریخ دی جاتی ہے، جس کے ختم ہونے سے قبل واپسی لازمی ہوتی ہے، ایگزٹ ری انٹری ایکسپائر ہونے کی صورت میں اس کی مدت میں توسیع کرانا ہوتی ہے۔
ملازمہ نے خلیجی کفیلہ کو چھت سے گرانے کی کوشش میں زخمی کر دیا
واضح رہے کہ سعودی محکمہ پاسپورٹ اینڈ امیگریشن جوازات کے قانون کے مطابق خروج وعودہ پر جانے والوں کے لیے لازمی ہے کہ وہ مقررہ وقت پر لوٹیں، اگر وہ مقررہ وقت پر واپس نہیں آتے، تو اس صورت میں ان پر 3 برس کے لیے مملکت آنے پرپابندی عائد کر دی جاتی ہے۔ جن افراد پر پابندی لگ جاتی ہے وہ ممنوعہ مدت کے دوران کسی بھی دوسرے ویزے پر مملکت نہیں آ سکتے۔
