ریاض : عالمی مارکیٹ میں سونے کی قیمتوں میں ہونے والی کمی کے اثرات مملکت کی منڈی پر بھی مرتب ہوئے، سعودی عرب کے مختلف شہروں میں اتوار کے روز سونے کی قیمتوں میں کمی ریکارڈ کی گئی۔
سعودی ذرائع ابلاغ کے مطابق سعودی گولڈ مارکیٹ میں اتوار کو سنیچر کے مقابلے میں سونے کی قیمتوں میں معمولی کمی ریکارڈ کی گئی، صارفین نے محسوس کیا کہ سونے کے نرخ مستحکم ہوگئے ہیں۔
عاجل ویب سائٹ کے مطابق 21 قیراط ایک گرام سونے کی قیمت 209.93 ریال ہوگئی جبکہ 24 قیراط ایک گرام سونا اتوار کو 239.93 ریال میں دستیاب رہا۔
سعودی گولڈ مارکیٹ میں 22 قیراط ایک گرام سونے کی قیمت 219.93 ریال رہی جبکہ 18 قیراط ایک گرام کی قیمت 179.94 ریال تھی۔
21 قیراط کی 8 گرام والی گنی کی قیمت 2015.37 ریال، 22 قیراط کی گنی کی قیمت 2111.34 ریال اور 24 قیراط کی 8 گرام والی گنی کی قیمت 2303.29 ریال ریکارڈ کی گئی۔
