ریاض: سعودی وزارت افرادی قوت و سماجی بہبود کے سیکریٹری برائے لائحہ جات عادل الیوسف نے ملازمت کے معاہدے سے متعلق ایک اہم وضاحت پیش کی ہے۔
عرب میڈیا کی رپورٹ کے مطابق عادل الیوسف کا کہنا ہے کہ سعودی عرب میں ملازمت کا معاہدہ 3 سال سے زیادہ چلنے پر غیرمعینہ مدت کے ایگریمنٹ میں تبدیل ہوجائے گا۔
انہوں نے بتایا کہ تین سال سے زائد مدت کے بعد ملازمت کا معاہدہ لامحدود مدت کے معاہدے میں تبدیل ہوجائے گا، یہی قانون سالانہ معاہدوں والے سرکاری ملازمین پر بھی لاگو ہوگا۔
وزارت افرادی قوت و سماجی بہبود کے سیکریٹری برائے لائحہ جات کا کہنا تھا کہ سرکاری ملازمین کی طرح نجی اداروں اور کمپنیوں کے ملازمین کا معاہدہ بھی غیر معینہ مدت والے معاہدہ ملازمت کی شکل اختیار کر لے گا۔
انہوں نے مزید کہا کہ حکومت نے حالیہ دنوں چند سرکاری اداروں کی نجاری بھی کی ہے جس کے بعد نئے قوائد واضوابط لاگو ہوں گے۔ نئے ضوابط کا تعلق سعودی ملازمین کی ریٹائرمنٹ اور معاہدہ ملازمت کے اختتام پر نہایۃ الخدمۃ (اینڈ آف سروس) وغیرہ امور سے ہے۔
