The news is by your side.

Advertisement

سعودی عرب: کفیل کو قتل کرکے بھارتی ملازمہ 1لاکھ 20 ہزار ریال لے اڑی

ریاض: سعودی عرب میں بھارتی ملازمہ ہی اپنے کفیل کی قاتل نکلی، ایک لاکھ بیس ہزار ریال کی خاطر بزرگ شہری کو آگ لگا کر موت کے گھاٹ اتار دیا، ملزمہ نے اعتراف جرم کرلیا۔

عرب میڈیا کی رپورٹ کے مطابق سعودی خاندان نے 70 سالہ بزرگ شخص کی حفاظت اور دیکھ بھال کے لیے ایک بھارتی ملازمہ رکھی جس نے لالچ میں آکر ضعیف شہری کو آگ لگ کر مار دیا۔

رپورٹ میں انکشاف کیا گیا ہے کہ بزرگ شہری کمرے میں آرام کررہا تھا کہ اسی دوران ملازمہ نے روم کو آگ لگا دیا، بعد ازاں خاندان کے دیگر افراد سمیت ملازمہ سے تفتیش کی گئی تو کوئی واضح ثبوت سامنے نہیں آئے اور پولیس نے واقعہ ایک حادثہ قرار دیتے ہوئے کیس بند کردیا۔

سعودی عرب میں فائرنگ، سعودی فرمانروا کا ذاتی محافظ قتل

تاہم گھر والوں کو اب بھی شک تھا کہ اس ہلاکت میں ملازمہ کا ہاتھ ہوسکتا ہے، ملازمہ نے کمرے کو آگ لگانے سے پہلے بڑی چالاکی سے ایک لاکھ 20 ہزارریال نکال لیے تھے، جب اس رقم سے بھارتی خاتون نے قیمتی اشیا خریدنا شروع کیں تو سعودی خاندان کا شک حقیقت میں تبدیل ہونے لگا۔

جس کے بعد پولیس کو دوبارہ اطلاع دی گئی اور تفتیش کے دوران اس نے سب کے سامنے اعتراف کیا کہ ایک لاکھ 20 ہزار ریال کی لالچ میں آکراس نے رقم چوری کی اور پھر کمرے میں آگ لگا دی تاکہ گھر والے سمجھیں کہ رقم بھی آگ میں جل گئی ہے۔

fb-share-icon0
Tweet 20

Comments

comments

یہ بھی پڑھیں