سعودی عرب اور متحدہ عرب امارات سمیت کئی خلیجی ریاستوں میں رمضان المبارک کا چاند نظر نہیں آیا۔
خلیجی میڈیا کے مطابق سعودی عرب کے بعد متحدہ عرب امارات میں بھی رمضان المبارک کا چاند نظر نہ آنے کا اعلان کیا گیا ہے۔
رمضان المبارک کا چاند دیکھنے کے لیے یواےای کی رویت ہلال کمیٹی کا اجلاس ہوا جس میں چاند کی شرعی رویت سے متعلق شہادتیں موصول نہ ہونے پر نمازِمغرب کے بعد چاند نظر نہ آنے کا اعلان کیا گیا۔
قبل ازیں سعودی رویت ہلال کمیٹی نے اعلان کیا کہ مملکت میں رمضان المبارک 1444 ہجری کے چاند سے متعلق شہادتیں موصول نہیں ہوئی لہٰذا پہلا روزہ بروز جمعرات 23 مارچ کو ہوگا۔
قطر
قطر میں رمضان کا چاند نظر نہیں آیا، پہلا روزہ 23 مارچ جمعرات کو ہوگا۔
کویت
کویت میں بھی پہلا روزہ 23 مارچ جمعرات کو ہوگا۔
بحرین
بحرین میں رمضان کا چاند نظر نہ آنے کا اعلان کیا گیا۔ پہلا روزہ 23 مارچ کو ہوگا۔
ان کے علاوہ فلپائن میں اور بھارتی ریاست کیرالا میں بھی رمضان کا چاند نظر نہیں آیا اور پہلا روزہ 23 مارچ جمعرات کو ہوگا۔