سعودی عرب نے خطے میں بڑھتے تنازعات پر بین الاقوامی برادری سے سخت مؤقف اختیار کرنے کا مطالبہ کر دیا۔
اقوام متحدہ کی جنرل اسمبلی سے خطاب میں سعودی وزیر خارجہ شہزادہ فیصل بن فرحان نے کہا کہ اسرائیل کی بڑھتی جارحیت دنیا کی سلامتی کے لیے خطرہ ہے، جارح کو سزا نہ دینے سے قیام امن کے اہداف حاصل نہیں کیے جا سکتے۔
شہزادہ فیصل نے کہا کہ سعودی عرب جنگ کے آغاز سے اب تک فلسطینی عوام کے لیے 5 ارب ڈالرز امداد دے چکا ہے، اور یو این امدادی ایجنسیوں کے تعاون سے 106 ارب ڈالرز کے پراجیکٹس پر کام کر رہا ہے۔
شہزاد فیصل بن فرحان کا کہنا تھا کہ سعودی عرب یمن بحران اور بحیرۂ احمر کی صورتِ حال کے پُرامن حل کے لیے ہر کوشش کی حمایت کر رہا ہے، روس یوکرین بحران ختم کرنے کے لیے بھی بھرپور کوشش کر رہے ہیں۔
حسن نصر اللہ کی شہادت پر لبنان میں 3 روزہ سوگ کا اعلان
انھوں نے خطاب میں کہا کہ افغانستان کو دہشت گردوں کا شکار بننے کے لیے اکیلا نہیں چھوڑا جا سکتا، افغانستان کی صورتِ حال جنگجو ملیشیا اور مختلف گروپوں کے لیے سازگار بنی ہوئی ہے، وہاں انسانی بحران اور سیکیورٹی صورت حال درست کرنا ضروری ہے۔
سعودی وزیرِ خارجہ کا کہنا تھا کہ اُمید ہے ایران خصوصاً اپنے ایٹمی اور بیلسٹک میزائل پروگرام پر بین الاقوامی برادری سے تعاون کرے گا۔
