تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کل سے دنیا بھر کے مسلمان عمرے کی سعادت حاصل کرسکیں گے

ریاض : سعودیہ عرب نے کل سے دیگر ممالک سے آنے والے مسلمانوں کو عمرے کی اجازت دے دی ، جس کے تحت 20 ہزار زائرین عمرہ کرسکیں گے۔

تفصیلات کے مطابق عمرہ کرنے کے خواہشمند افراد کیلئے خوشخبری آگئی، کل سے دنیا بھر سے زائرین عمرے کی سعادت حاصل کرسکیں گے۔

سعودی وزارت حج و عمرہ کی جانب سے جاری بیان میں کہا گیا کہ یکم نومبر سے بیس ہزار عازمین کوعمرہ کی ادائیگی کی اجازت مل گئی، جس کے بعد 60 ہزار نمازی مسجد الحرام میں نماز اور ساڑھے 19 ہزار زائرین روضہ رسولﷺ پر حاضری دے سکیں گے۔

سعودی عرب آنے والی تمام پروازوں کے لیے لازمی قرار دیا گیا ہے اور ہدایت کی ہے کہ وہ جاری کردہ ایس او پیز پر عمل در آمد کو ہر حال میں یقینی بنائیں ۔

یاد رہے سعودی حکومت نے بیرون ملک سے آنے والے تمام عمرہ زائرین کو ہدایات جاری کی تھیں، جس میں بسوں سفر سے متعلق، ہدایات پر عمل درآمد کا کہا گیا تھا ۔

مزید پڑھیں : سعودی حکومت کی تمام عمرہ زائرین کو اہم ہدایات جاری

سعودی وزارت حج و عمرہ نے مکہ مکرمہ میں بیرون مملکت سے آنے والے عمرہ زائرین کے سفری ضوابط مقرر کیے اور بسوں کی جنرل سنڈیکیٹ کو وزارت صحت کی جانب سے مقرر حفاظتی تدابیر کی پابندی کی ہدایت کی گئی تھی۔

ہدایات میں کہا گیا تھا کہ عمرہ زائرین کی ہر بس خود کار نگرانی کے نظام سے آراستہ ہو، شاہراہوں پر بس سروس کی سہولت مہیا ہو۔ ہر بس کا ایک ڈرائیور اور ایک اس کا ہیلپر ہو۔

اس کے علاوہ بس کے روٹ، منزل اور عمرہ زائرین کے ناموں کی فہرست تیار کی جائے، جس میں ڈرائیور اور ہیلپر کا نام بھی درج ہو۔ تمام ٹرانسپورٹ کارکنان کو حفاظتی تدابیر کی تربیت دی جائے اوربسوں میں سینیٹائزر فراہم کیے جائیں۔ کسی بھی بس میں اس کی

خیال رہے سعودی حکومت نے سات ماہ کی پابندی کے بعد مقامی شہریوں کو عمرہ ادائیگی کی اجازت رواں ماہ کے آغاز پر دی، پہلے مرحلے میں روزانہ 6 ہزار سعودی زائرین نے 6 مختلف اوقات میں عمرہ ادا کیا۔

Comments

- Advertisement -