The news is by your side.

Advertisement

عمرے پر جانے کے خواہشمند پاکستانیوں کیلئے بڑی خبر آگئی

ریا‌ض : سعودی عرب نے بیرون ملک سے عمرہ زائرین کیلئے ویزوں کی درخواستوں کا آغاز  کردیا،سعودی عرب میں رہنے والوں کیلئے عمرہ پرمٹ 19 ذوالحجہ سے جاری کئے جائیں گے۔

تفصیلات کے مطابق بیرون ممالک سے سعودی عرب آنے والے عمرہ زائرین کیلئے خوشخبری آگئی ، سعودی عرب کی جانب سے بیرون ملک سے عمرہ زائرین کیلئے ویزوں کی درخواستوں کا آغاز آج سے ہو رہا ہے۔

سعودی عرب میں رہنے والوں کیلئے عمرہ پرمٹ انیس ذوالحجہ سے جاری کئے جائیں گے۔

وزارت حج و عمرہ نے اعلان کیا ہے کہ سعودی حکام نے عمرہ کے لیے تیاریاں مکمل کر لی ہیں اور دنیا بھر سے ادائیگی عمرہ کے لیے آنے والوں کے لیے ہم چشم براہ ہیں۔

سعودی وزارت کا کہنا تھا کہ تمام ممالک سے عمرے کے لیے آنے کے خواہش مند مسلمان ویزے کے لیے آج 14 جولائی سے متعلقہ سفارت خانوں میں درخواستیں دے سکتے ہیں۔

ایک جاری کردہ بیان میں کہا گیا ہے کہ یکم محرم 1444 سے عمرہ کی ادائیگی کے لیے آنے والے لوگوں کے قافلے آنا شروع ہو جائیں گے۔

تحریری طور پر جاری کیے گئے بیان میں کہا گیا ہے کہ سعودی عرب کے اندر سے موصول ہونے والی درخواستوں پر عمرہ ادائیگی کے لیے خصوصی اجازت نامہ جاری کیا جائے گا۔

Comments

یہ بھی پڑھیں