ریاض: کروناوائرس کے خطرے کے پیش نظر سعودی حکام نے اپنے ان تمام شہریوں کو جو متحدہ عرب امارات اور بحرین میں موجود ہیں انہیں تین دن کے اندر اندر وطن واپس آنے کا حکم دے دیا۔
عرب میڈیا کی رپورٹ کے مطابق جو سعودی شہری متحدہ عرب امارات یا بحرین میں موجود ہیں وہ 72 گھنٹے کے اندر اندر سعودی عرب واپس پہنچ جائیں بصورت دیگر قانونی کارروائی بھی ہوسکتی ہے۔
یو اے ای اور بحرین میں قائم سعودی سفارت خانوں کی جانب سے مذکورہ اعلان کیا گیا۔
#تنبيه للمواطنين السعوديين المتواجدين في دولة #الإمارات الراغبين في العودة إلى المملكة العربية السعودية pic.twitter.com/drjIrp7MDP
— القنصلية في دبي (@KSAConsulateUA) March 9, 2020
سماجی رابطے کی ویب سائٹ ٹوئٹر پر سفارت خانوں نے ئوٹٹ کیا کہ یو اے ای سے سعودی عرب واپس آنے کے خواہشمند تمام سعودی شہری تین دن تک دبئی ایئرپورٹ سے سعودی ائیر لائن کے ذریعے واپسی کا سفر کرسکتے ہیں۔
سعودی عرب میں کرونا کے مریض صحت یاب ہونے لگے
دریں اثنا شہریوں کی واپسی کے لیے دیگر انتظامات بھی کیے گئے ہیں۔ کئی شہری ابوظہی کے قریب البطحاء سرحدی چوکی کے راستے سے بھی سعودی عرب میں داخل ہو سکتے ہیں۔
مصدر مسؤول في وزارة الداخلية: تعليق سفر المواطنين والمقيمين مؤقتًا من وإلى عدد من الدول للسيطرة على فيروس "كورونا” ومنع انتشاره pic.twitter.com/mrD0mvmrmd
— وزارة الخارجية 🇸🇦 (@KSAMOFA) March 9, 2020
علاوہ ازیں بحرین سے سعودی عرب آنے کے لیے شہری کنگ فہد پل کا راستہ استعمال کرسکتے ہیں۔
