ریاض: سعودی عرب میں آئل ٹینکر کے خطرناک حادثے کے نتیجے میں پاکستان ڈرائیور شدید زخمی ہوگیا۔
عرب میڈیا کی رپورٹ کے مطابق آٹل ٹینکر میں آتشزدگی کا خطرناک حادثہ سعودی عرب کے عسیر ریجن میں پیش آیا۔ شہری دفاع کے اہلکاروں نے جائے وقوعہ پر پہنچ کر پاکستان ڈرائیور کی جان بچائی۔
رپورٹ میں کہا گیا ہے کہ ٹینکر حادثے کے باعث سڑک پر الٹ گیا، بعد ازاں گاڑی میں آگ بھڑک اٹھی، ڈرائیور نے ہرممکن کوشش کرکے دفاعی اہلکاروں کی مدد سے اپنی جان بچائی تاہم وہ شدید زخمی ہے۔
سعودی عرب میں خوفناک ٹریفک حادثہ: خواتین سمیت11غیرملکی جاں بحق
متعلقہ اداروں کا کہنا ہے کہ شہری دفاع کے اہلکاروں نے شاہراہ کو بلاک کر کے احتیاطی تدابیر اختیار کرتے ہوئے مخصوص مواد ان مقامات پر پھیلا دیا جہاں ٹینکر سے ڈیزل نکل کر روڈ پر پھیل گیا تھا۔
خیال رہے کہ شہری دفاع نے کولنگ کا کام مکمل کرنے کے بعد حادثے کی وجہ جاننے کے لیے معاملہ متعلقہ ادارے کے سپرد کر دیا تاکہ حادثے کی وجہ دریافت کی جا سکے، زخمی شہری کو طبی امداد فراہم کی جارہی ہے۔
