The news is by your side.

Advertisement

سعودی عرب پہلی بار عرب فیشن ویک کی میزبانی کرے گا

ریاض : سعودی عرب پہلی بار عرب فیشن ویک کی میزبانی کرے گا، فیشن کا یہ میلہ چھبیس سے اکتیس مارچ کے دوران ریاض می سجایا جائے گا۔

تفصیلات کے مطابق سعودی عرب تاریخ میں پہلی بارعرب ممالک کے فیشن ویک کی میزبانی کرے گا، 6 دن تک جاری رہنے والے اس فیشن ویک میں موسم کی مناسبت سے ڈیزائنرز اپنی کلیکشن پیش کریں گے۔

دبئی میں قائم عرب فیشن کونسل کی ویب سائٹ کے مطابق عرب فیشن ویک ریاض کے ایکو فری ایپکس سینٹر میں منعقد کیا جائے گا۔

یاد رہے کہ عرب فیشن کونسل نے دسمبر میں سعودی عرب کےدارالحکومت ریاض میں علاقائی دفتر کھولنے کا اعلان کیا تھا، جس کا مقصد  22 عرب ممالک کو ایک پلیٹ فارم پر  کرنا ہے۔

عرب فیشن کونسل نے سعودی شہزادی نورہ بنت فیصل السعود کو اس کا اعزازی صدر مقرر کیا گیا ہے۔

شہزادی  نورہ کا کہنا ہے کہ یہ  تو صرف آغاز ہے اور اس تقریب میں دنیا بھر کے تمام  ڈیزائنرز ھصہ لے سکیں گے۔


مزید پڑھیں :  سعودی عرب میں پہلی پاکستانی فلم کی نمائش


خیال رہے کہ وژن 2025 کے تحت سعودی ولی عہد محمد بن سلمان کی جانب سے بڑے اقدامات کیے جارہے ہیں ،جس کے باعث دھیرے دھیرے ایک روشن خیال سعودی عرب کا تاثر اجاگر ہو رہا ہے۔

یاد رہے حال ہی میں سعودی عرب کی تاریخ میں پہلی بار خواتین کو اسٹیڈیم میں جا کر میچ دیکھنے کی اجازت ملی جبکہ سعودی عرب کے سینما گھروں میں بھی فلموں کی نمائش کی گئی ۔


 مزید پڑھیں : سعودی عرب میں خواتین کو گاڑی ڈرائیو کرنے کی اجازت مل گئی


سال 2016 کے وسط میں سعودی حکومت نے وژن 2030 کے تحت خواتین کو ڈرائیونگ کی اجازت دینے کے اہم فیصلے کے بعد طالبات کو یونیورسٹیوں میں موبائل فون استعمال کرنے کی اجازت بھی دی جبکہ حکومت نے روشن خیالی کی سمت ایک اور قدم آگے بڑھاتے ہوئے سرکاری چینل پر عرب لیجنڈ گلوکارہ ام کلثوم کا میوزک کنسرٹ نشر کیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں