The news is by your side.

ٹول ٹیکس سے متعلق وزارت کی وضاحت

ریاض: سعودی وزارت ٹرانسپورٹ اینڈ لاجسٹک سروسز کے ایک عہدیدار نے کہا ہے کہ ٹول ٹیکس لگائے جانے کی تردید کی ہے۔

عرب میڈیا کے مطابق سعودی وزارت ٹرانسپورٹ نے آئندہ برس سے مملکت کی متعدد شاہراہوں پر ٹیکس وصول کرنے کی خبروں کی تردید کرتے ہوئے وضاحت کی ہے، وزارت کے ذرائع کا کہنا ہے کہ ٹول ٹیکس کے حوالے سے سعودی ٹی وی چینل نے جو خبر دی وہ وزارت کے حوالے سے نہیں تھی۔

انہوں نے کہا کہ مملکت میں ٹول ٹیکس لگانے کی اطلاع درست نہیں ہے۔

خیال رہے کہ اس سے قبل خبریں سامنے آئیں تھی کہ سعودی عرب میں بھی حکومت نے ٹول ٹیکس لگانے کا فیصلہ کیا ہے، ٹول ٹیکس ایسی شاہراہوں پر لگایا جائے گا جہاں متبادل روڈ ہوں گے، متبادل سڑکوں کو استعمال کرنے والوں سے ٹیکس نہیں لیا جائے گا۔

رپورٹ میں کہا گیا تھا کہ ٹول ٹیکس پرائیویٹ سیکٹر کی شراکت سے نافذ کیا جائے گا، جس کا مقصد روڈز تیار کرنے، ان کی اصلاح و مرمت تھا۔

Comments

یہ بھی پڑھیں