جدہ / دبئی : سعودی گولڈ مارکیٹ میں سونے کے نرخوں میں کمی جبکہ متحدہ عرب امارات میں 55 درہم فی دس گرام کی ریکارڈ کمی سامنے آئی ہے۔
رپورٹ کے مطابق دبئی گولڈ مارکیٹ میں 4 دسمبر کو 24 قیراط سونے کی فی گرام قیمت 5.50 درہم کی غیرمعمولی کمی سے تاریخ کی بلند ترین سطح 251.25 درہم سے 245.75 درہم پر آگئی، جس کے بعد نرخ تاریخ کی بلند ترین سطح سے نیچے آگئے۔
متحدہ عرب امارات میں 10 گرام سونے کے نرخ مجموعی طور پر 55 درہم کی کمی کے بعد ریکارڈ 2ہزار 512.50 درہم سے 2457.50 درہم ہوگئے۔
سعودی عرب
دوسری جانب سعودی گولڈ مارکیٹ میں گزشتہ روز کاروبار کے آغاز پر سونے کے نرخوں میں کمی ریکارڈ کی گئی ہے۔
تواصل ویب کے مطابق21 قیراط ایک گرام سونا 217.57 ریال میں فروخت کیا جاتا رہا۔ اتوار کو کاروبار کے اختتام پرسونے کے نرخ 218.69 ریال ریکارڈ کیے گئے تھے۔
24 قیراط ایک گرام سونے کی قیمت 248.65 ریال، 22 قیراط ایک گرام 227.93 اور 18 قیراط 186.49ریال رہی ہے۔
مملکت میں 21 قیراط آٹھ گرام کی گنی 2,088.70 ریال، 22 قیراط ایک گرام کی گنی 2,188.16 ریال جبکہ 24 قیراط ایک گرام گنی 2,387.08 ریال اور ایک کلوگرام سونا 233,422.01 ریال میں دستیاب رہا جبکہ ایک کلو گرام سونا 250,395.07 ریال میں دستیاب رہا۔
