The news is by your side.

Advertisement

یمن میں خانہ جنگی، سعودی عرب اور قطر کا امداد کا اعلان

صنعا: یمن میں خانہ جنگی کے باعث متاثر ہونے والے افراد کے لیے سعودی عرب اور متحدہ عرب امارات نے امداد کا اعلان کیا ہے۔

تفصیلات کے مطابق یمنی عوام کو متحدہ عرب امارات اور سعودی عرب کی جانب سے مشترکہ طور پر بیس کروڑ ڈالر امداد کا اعلان کیا گیا ہے۔

غیر ملکی خبر رساں ادارے کا کہنا ہے کہ امدادی رقوم کے ذریعے متاثرین کی بنیادی ضروریات پوری کی جائیں گی، اس سے قبل بھی متعدد بار دونوں ریاستوں کی جانب سے امدادی پیکچ دیا جاچکا ہے۔

حوثی باغیوں اور سرکاری فورسز بشمول سعودی اتحادی افواج کے درمیان جھڑپوں کے باعث عام شہری اجیرن کی زندگی گزارنے پر مجبور ہیں، بعض اوقات امداد ہی متاثرین تک نہیں پہنچ پاتی۔

غیرملکی میڈیا دعویٰ کرتے ہیں کہ اقوام متحدہ یا پھر دیگر ممالک کی جانب سے یمن کے لیے بھیجی گئی خوراک سے لدی امدادی ٹرک حوثی باغی اپنے قبضے میں لے لیتے ہیں۔

خیال رہے کہ گذشتہ سال نومبر میں سعودی عرب اور متحدہ عرب امارات نے یمن کو درپیش بحران سے نکالنے کے لیے ایک اہم قدم اُٹھاتے ہوئے قحط اور افلاس کے شکار عوام کے لیے 500 ملین ڈالر کی اضافی امداد فراہم کی تھی۔

یو اے ای اور سعودی عرب کا یمن کے لیے 500 ملین ڈالر امداد کا اعلان

واضح رہے کہ گذشتہ سال جون میں بھی شاہ سلمان بن عبدالعزیز ریلیف مرکز نے یمن جنگ سے متاثرہ افراد کے لیے 70 ٹن وزنی سامان سے لدے تین طیارے یمنی شہر عدن روانہ کیے تھے۔

Comments

comments

یہ بھی پڑھیں