تازہ ترین

وزٹ ویزے میں توسیع، سعودی حکام کی وضاحت

ریاض: سعودی محکمہ پاسپورٹ اینڈ امیگریشن جوازات نے وزٹ ویزے کی مدت میں توسیع کے حوالے سے وضاحت پیش کی ہے۔

سعودی ویب سائٹ کے مطابق سعودی محکمہ پاسپورٹ اینڈ امیگریشن جوازات کا کہنا ہے کہ جن افراد کے فیملی ملٹی پل وزٹ ویزے کی مدت میں دوسری بار توسیع نہیں ہو رہی وہ ابشر پر جوازات کی تواصل سروس کے ذریعے معاملہ حل کروا سکتے ہیں۔

ٹویٹر پر دریافت کیا گیا کہ ملٹی پل وزٹ ویزے کی مدت میں دوسری بار توسیع نہیں ہو رہی جبکہ پہلی بار والی توسیع 180 دن پر کروائی گئی تھی۔

اس حوالے سے جوازات کا کہنا تھا کہ جن افراد کو وزٹ ویزے کی مدت میں ابشر اکاؤنٹ کے ذریعے توسیع کروانے میں دشواری کا سامنا کرنا پڑ رہا ہے، انہیں چاہیئے کہ وہ ابشر پر موجود تواصل کی سروس کے ذریعے اس میسج کا اسکرین شاٹ لیں اوراسے تواصل کو ارسال کریں۔

خیال رہے کہ ابشر اکاؤنٹ پرموجود تواصل سروس ان معاملات کے لیے فراہم کی گئی ہے جہاں خود کار طریقے سے ہونے والے امور انجام نہ دیے جاسکیں یا ان میں کسی قسم کا کوئی فنی خلل واقع ہوگیا ہو۔

تواصل سروس کے لیے ابشر اکاؤنٹ میں سروسز کے آپشن میں جانے کے بعد مائی سروسز کو منتخب کریں جس کے بعد جوازات جہاں تواصل کا براؤز موجود ہوتا ہے۔

تواصل کے آپشن میں مختصر طور پر ویزے کی توسیع میں پیش آنے والی مشکل درج کریں، ساتھ ہی جو میسج خود کار سسٹم کے ذریعے موصول ہوا ہے وہ بھی اپ لوڈ کردیا جائے۔

Comments

- Advertisement -