ریاض: سعودی عرب میں شوہر کی چال پکڑی گئی، بیوی نے عدالت سے رجوع کرکے طلاق کا مطالبہ کردیا۔
عرب میڈیا کی رپورٹ کے مطابق سعودی خاتون کا کہنا ہے کہ اس کے شوہر نے مجھے نیا موبائل فون خرید کر دیا لیکن اس کا مقصد تحفہ نہیں بلکہ میری جاسوسی کرنا تھا۔
بیوی نے بتایا کہ شوہر نے موبائل فون میں نگرانی ایپ(خفیہ ایپلیکیشن) ڈال کر دیا جس کا مجھے اندازہ نہ ہوسکا اور اس طرح وہ میرے موبائل سے ساری معلومات اکھٹی کرتا تھا۔ شقی القلب شوہر نے میری سہیلی کے درمیان ہونے والے پیغامات بھی خفیہ طور پر حاصل کرکے اس کے سسرال بھیجے۔
سعودی عورت کا کہنا تھا کہ شوہر کی اس حرکت سے میری دوست کے گھر لڑائی ہوئی اور بات طلاق تک جاپہچنی۔ شوہر کے شک سے تنگ سعودی خاتون نے طلاق کے لیے عدالت سے رجوع کیا ہے۔
سعودی شوہر اپنی بیوی کے خلاف انوکھی شکایت لے کر عدالت پہنچ گیا
انہوں نے اپنے مقدمے میں کہا گیا شوہر سے طلاق دلوائی جائے اور عدالت اسے سزا بھی دے۔