پیر, مئی 12, 2025
اشتہار

سعودی عرب میں انٹرنیشنل بک فیئر کا اہتمام، پاکستانی ثقافت کا رنگ نمایاں

اشتہار

حیرت انگیز

ریاض: سعودی عرب میں عالمی بک فیئر کا اہتمام کیا گیا جہاں میں ایک تقریب کے دوران پاکستانی ثقافت کو بھی خوب اجاگر کیا گیا۔

تفصیلات کے مطابق سعودی عرب کے شہر جدہ میں منسٹری آف ایجوکیشن کی جانب سے انٹرنیشنل بک فیئر کا اہتمام کیا گیا، اس موقع پر ایک تقریب میں پاکستان ثقافت کا رنگ نمایاں رہا۔

عرب میڈیا کے مطابق جدہ انٹرنیشنل بک فیر میں پر سعودی عرب کے وزیر ثقافت کی جانب سے ایک رنگا رنگ ثقافتی پروگرام بھی پیش کیا گیا جس میں پاکستان قونصلیٹ جدہ، پاکستان انٹرنیشنل اسکول عزیزیہ کے طلبہ اور پاکستانی کمیونٹی کے ارکان نے شرکت کی۔

ثقافتی لباس زیب تن کیے ہوئے اسکول کے بچوں نے چاروں صوبوں کے ثقافتی رقص اور قومی نغمے پیش کئے، حاظرین نے بچوں کی کاوشوں کو بہت سراہا۔

اسکول کے طلبہ نے پاک سعودی دوستی کی مناسبت سے عربی زبان میں ایک خصوصی نغمہ بھی پیش کیا۔

جدہ میں پاکستانی قونصلیٹ کے پریس سیکریٹری ارشد منیر نے اے آر وائی نیوز سے خصوصی گفتگو میں کہا کہ ایسے پروگراموں سے دونوں ممالک کے درمیان عوامی روابط میں اضافہ ہوگا۔

دس دن تک جاری رہنے والے اس عالمی بک فیئر میں ہر دن پچاس ہزار سے رائد لوگوں نے شرکت کی، اور اپنے مطالعے کے ذوق کو مدنظر رکھتے ہوئے کتابوں کی خریداری کی۔

خیال رہے کہ کتاب کا یہ عالمی میلہ آج اختتام پذیر ہوا، دنیا بھر سے لاکھوں پبلشر نے اپنی کتابیں فروخت کے لیے پیش کیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں