The news is by your side.

Advertisement

سعودی عرب کی نئی قومی ایئرلائن؟

سعودی عرب نے تیل پر منحصر معیشت کو دیگر شعبوں سے ترقی دینے کے لیے نئی قومی ‏ایئرلائن کے منصوبے پر کام شروع کر دیا ہے۔

خبررساں ادارے کی رپورٹ کے مطابق ولی عہد محمد بن سلمان نے معیشت کی جہتوں کو پروان ‏چڑھانے اور مملکت کو عالمی لاجسٹک مرکز میں تبدیلی کی پالیسی کے تحت نئی قومی ایئرلائن ‏لانے کا فیصلہ کیا ہے۔

نئی قومی ایئرلائن سے نہ صرف سیاحت، حج و عمرہ اور کارگو کو فروغ ملے گا بلکہ مربوط بین ‏الاقوامی منزلوں کی تعداد 250 بڑھ جائے گی۔ اسی طرح نئی ایئرکارگو کی گنجائش 4.5 ملین ٹن ‏سے زیادہ ہو گی۔

اس وقت مملکت کی قومی ایئرلائن سعودی عربیئن (السعودیہ) ہے جو کہ کئی نشیب و فراز سے ‏گزر کر اب کورونا کی مشکل صورتحال سے دوچار ہے۔ ‏

السعودیہ حجم کے لحاظ سے خطے میں چھوٹی ایئرلائن نیٹ ورک کی حامل ہے اور یہی وجہ ہے ‏کہ مستقبل کے تقضاوں کو مدنظر رکھتے ہوئے عالمی چیلنجز سے نبردآزما ہونے ہونے کے لیے نئی ‏ایئرلائن کا منصوبہ بنایا گیا۔

اس کی ایک وجہ سعودی عرب کی 2030 تک غیرتیل آمدنی کو 45 ارب ریال تک بڑھانے کی جانب ‏پیش قدمی ہے۔

Comments

یہ بھی پڑھیں