یمن: سعودی اتحادی افواج کی فضائی کارروائی، 20 افراد ہلاک، 60 زخمی: YEMEN
The news is by your side.

Advertisement

یمن: سعودی اتحادی افواج کی فضائی کارروائی، 20 افراد ہلاک، 60 زخمی

صنعا: یمن میں سعودی اتحادی افواج کی جانب سے فضائی کارروائی کی گئی جس کے نتیجے میں 20 افراد ہلاک جبکہ 60 زخمی ہوگئے۔

تفصیلات کے مطابق سعودی اتحادی افواج نے یمن کی سرکاری فوج کی مدد سے یہ کارروائی کی، مذکورہ فضائی بمباری بندرگاہی شہر الحدیدہ میں کی گئی جس کے باعث 20 افراد ہلاک جبکہ درجنوں زخمی ہوئے۔

غیر ملکی خبر رساں ادارے کے مطابق گذشتہ دنوں حوثی باغیوں نے سعودی آئل ٹینکر پر میزائل داغے تھے جس کے باعث ٹینکر کو جزوی نقصان پہنچا تھا، باغیوں کے اس حملے کے بعد عرب اتحاد کی یہ دوسری فضائی کارووائی ہے۔

قبل ازیں ایران نواز حوثی باغیوں نے گذشتہ دنوں سعودی عرب کے آئل ٹینکر کو نشانہ بنانے کی کوشش کی تھی جسے عرب اتحادی افواج نے کامیاب کارروائی کرتے ہوئے ناکام بنا دیا تھا، تاہم حملے میں آئل ٹینکر کو جزوی نقصان پہنچا تھا۔


حوثی باغیوں کا سعودی آئل ٹینکر پر حملہ ناکام


بعد ازاں اتحادی افواج کی جانب سے جاری کردہ بیان میں کہا گیا تھا کہ تجارت کے لیے استعمال ہونے والا بحر احمر پر اس حملے کے بعد مزید ایسی کارروائیوں کا خطرہ ہے جس کے لیے بھرپور حکمت عملی تیار ہے۔

خیال رہے کہ سعودی اتحادی افواج اور یمن کی سرکاری فوج کی جانب سے یمنی بندر گاہ الحدیدہ پر گذشتہ ماہ سے ایک بڑا آپریشن جاری ہے جس کا مقصد حوثی باغیوں کو بندرگاہی شہر سے خالی کرانا ہے۔

واضح رہے کہ یمن میں سعودی عرب کے اتحادی افواج کی جانب سے جاری آپریشن میں اب تک 145 حوثی باغی ہلاک جبکہ متعدد گرفتار ہوچکے ہیں، ہلاک حوثی باغیوں کی لاشیں مقامی اسپتال کے سرد خانے میں موجود ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں