سعودی عرب میں عائلی امور کی عدالت نے 20 سالہ سعودی لڑکی کو خوشخبری سنادی، عدالت نے بچی کے نسب کا کیس چند ہفتوں میں نمٹا دیا۔
غیر ملکی ذرائع ابلاغ کے مطابق مدینہ منورہ گورنریٹ نے عائلی امور کی عدالت سے نسب کیس کا فیصلہ جاری ہوتے ہی فوری عمل درآمد بھی کرادیا۔
برتھ سرٹیفکیٹ کے اجرا کے حوالے سے 20 سالہ لڑکی ’حنان‘ کے والد ٹال مٹول سے کام لے رہے تھے۔ جس سے بچی کا مستقبل خطرے میں پڑگیا تھا۔
لڑکی کی والدہ نے عدالت کو بیان دیتے ہوئے کہا کہ سابقہ شوہر سے حنان سمیت چار بچے ہوئے تھے تین لڑکوں کے برتھ سرٹیفکیٹ جاری کرادیے تاہم تمام تر کوششوں کے باوجود حنان کا برتھ سرٹیفکیٹ جاری نہیں کرایا۔
والدہ کے مطابق بیٹی ثانوی سکول پاس کرنے جارہی ہے یونیورسٹی میں داخلے کا وقت بھی آگیا ہے۔ عدالت نے والد کو مقررہ تاریخوں پر طلب کیا مگر وہ کسی بھی تاریخ پرپیش نہیں ہوا۔
تیونس میں کشتی ڈوب گئی، درجنوں تارکین وطن لاپتا
عدالت نے مجبور ہوکر پولیس کے ذریعے لڑکی کے والد کو طلب کیا اور تمام حالات معلوم کرنے کے بعد لڑکی کا برتھ سرٹیفکیٹ جاری کرنے کا حکم دیا۔ عدالت نے لڑکی کے والد کو برتھ سرٹیفکیٹ جاری کرانے، قانونی دستاویز مکمل کرنے اور قومی شناختی کارڈ بنوانے کی تاکید کی۔
