20.8 C
Ashburn
پیر, مئی 20, 2024
اشتہار

سعودی وفد آج اسلام آباد میں اہم ملاقاتیں کرے گا

اشتہار

حیرت انگیز

اسلام آباد : سعودی وزیر خارجہ شہزادہ فیصل بن فرحان  کی قیادت میں اعلیٰ سطح وفد آج صدر آصف زرداری ، وزیراعظم شہباز شریف اور آرمی چیف جنرل عاصم منیر سے ملاقاتیں کرے گا۔

تفصیلات کے مطابق سعودی وزیر خارجہ کی قیادت میں اعلٰی سطح وفدآج اسلام آباد میں مصروف دن گزارے گا، سعودی وفد آج اسلام آباد میں اہم ملاقاتیں کرے گا ، سعودی وفد کی صدر، وزیراعظم اور آرمی چیف سے ملاقاتیں شیڈول ہیں۔

سعودی وفد آج ایس ایف آئی سی کے زیر اہتمام تقریب میں بھی شرکت کرے گا، اس موقع پر دونوں ممالک کے وزرائے خارجہ اس موقع پر بیان بھی جاری کریں گے۔

- Advertisement -

سعودی وفد پہلے سے جاری منصوبوں،سرمایہ کاری سے متعلق نئے منصوبوں پر بات چیت کرے گا اور آج رات دورہ مکمل کر کے وطن واپس روانہ ہو گا۔

یاد رہے گذشتہ روز سعودی وزیر خارجہ فیصل بن فرحان اعلی سطح کے وفد کے ہمراہ دو روزہ دورے پر پاکستان پہنچے تھے، نور خان ائیر بیس پہنچنے پر وزیر خارجہ اسحاق ڈارسمیت کابینہ کے اراکین نے پرتپاک استقبال کیا۔

سعودی وفدمیں سرمایہ کاری،پانی وزراعت،ماحولیات،صنعت،معدنی وسائل اورتوانائی کےوزیرشامل ہیں، وفدپاکستان میں سرمایہ کاری کےمواقع کاجائزہ لے گا جبکہ مختلف معاہدوں اورمفاہمت کی یادداشتوں پر دستخط کی توقع ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں