سعودی حکومت کا سیاحتی ویزے دینے کا اعلان saudi govt announce tourist visa
The news is by your side.

Advertisement

سعودی حکومت کا سیاحتی ویزے دینے کا اعلان

ریاض: سعودی حکومت نے آئندہ برس 2018 سے سیاحت کے لیے ویزہ جاری کرنے کا اعلان کردیا، خواہش مند افراد بذریعہ آن لائن ویزے کی درخواست جمع کروا سکیں گے۔

امریکی نشریاتی ادارے کو انٹرویو دیتے ہوئے سعودی کمیشن برائے سیاحت او رقومی ورثہ کے سربراہ سلطان بن سلمان کا کہنا تھاکہ ’آئندہ برس 2018 سے ہم سیاحتی ویزے جاری کریں گے تاکہ لوگ سعودی عرب آکر یہاں کی اہمیت کا خود اندازہ کریں‘۔

اُن کا کہنا تھا کہ’ویزے جاری کرنے کا مقصد سیاحوں کی تعداد میں زیادہ سے زیادہ اضافہ کرنا ہے کیونکہ اس وقت سعودی عرب کے مقامی شہری سیاحت کی مد میں سالانہ 20 ارب ڈالر خرچ کرتے ہیں‘۔

سعودی وزیر کا کہنا تھا کہ ’سیاحتی مقامات کو زیادہ سے زیادہ بہتر بنانے کے لیے کام جاری ہے اور اب ویزوں کے اجرا سے سالانہ آمدنی میں اضافہ بھی ہوگا جس کے ذریعے مختلف مسائل پر قابو پایا جائے گا‘۔

مزید پڑھیں: سعودیہ میں دبئی جیسا شہر جسے مصر، اردن اور افریقہ سے منسلک کیا جائے گا

اُن کا مزید کہنا تھا کہ ویزے کا حصول آسان بنانے کے لیے اب خواہش مند افراد آن لائن درخواستیں جمع کرواسکیں گے۔

واضح رہے سعودی حکومت نے تیل کی گرتی ہوئی قیمتوں کو مدنظر رکھتے ہوئے مملکت میں مختلف سیاحتی منصوبوں کا آغاز کردیا ہے، حکومت کی جانب سے سیاحت کے فروغ کے لیے بحیرہ احمر میں واقع جزیروں پر منصوبہ تیار کیا جارہا ہے جس کا پہلا مرحلہ 2022 تک مکمل ہوگا۔

یہ بھی پڑھیں: سعودی عرب:‌ طالبات کو یونیورسٹیز میں موبائل کے استعمال کی اجازت

علاوہ ازیں سعودی حکومت کی جانب سے انٹرٹینمنٹ سٹی، تھیم پارک سمیت دیگر سیاحتی منصوبوں کے قیام کا اعلان بھی کیا جاچکا ہے۔

واضح رہے کہ 2022 کے روشن خیال وژن کے تحت سعودی حکومت نے خواتین کا گاڑی چلانے، لڑکیوں کو یونیورسٹی میں موبائل فون استعمال کرنے اور خواتین کو اسٹیڈیم جانے کی اجازت دے دی ہے۔

دوسری جانب 5 اکتوبر کو سعودی حکومت نے روشن خیالی میں ایک اور قدم آگے بڑھاتے ہوئے سرکاری چینل پر میوزک کنسرٹ نشر کیا تھا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پر شیئر کریں ۔

Comments

comments

یہ بھی پڑھیں