تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

کرونا وائرس: سعودی وزارت صحت نے خبردار کردیا

ریاض: سعودی عرب کی وزارت صحت نے خبردار کرتے ہوئے کہا ہے کہ کرونا وائرس کے وہ مریض جن میں علامات ظاہر نہیں ہورہیں اس وبا کے دوبارہ پھیلاؤ کا سبب بن رہے ہیں۔

سعودی ویب سائٹ کے مطابق سعودی وزارت صحت کا کہنا ہے کہ اعداد و شمار کے مطابق کرونا وائرس لگنے کے 46 فیصد کیسز، مرض میں مبتلا ایسے افراد سے میل جول کی وجہ سے ہو رہے ہیں جنہیں پتہ نہیں ہوتا کہ وہ کرونا وائرس کا شکار ہو چکے ہیں۔

وزارت صحت کا کہنا ہے کہ وبا کی علامتیں ظاہر نہ ہونے سے وہ لاعلمی میں ایک دوسرے سے ملتے جلتے رہتے ہیں اور انجانے میں ان کے احباب اور رشتہ دار کو وائرس لگ جاتا ہے۔

وزارت صحت نے لوگوں کو ہدایت کی کہ وہ کرونا وبا کو پھیلنے سے روکنے کے لیے حفاظتی تدابیر کی سختی سے پابندی کریں۔

ہدایت کے مطابق خصوصاً حفاظتی ماسک پہنیں اور سماجی فاصلے کا خیال رکھیں، ایسا کرنے پر لوگ ان لوگوں کی جانب سے بیماری منتقل ہونے سے بچے رہیں گے جنہیں خود بیماری لاحق ہونے کا علم نہیں ہوتا۔

یاد رہے کہ سعودی عرب میں جمعے کو دوسرے دن بھی کرونا وائرس کے 900 سے زیادہ نئے کیسز سامنے آئے ہیں جبکہ فعال کیسز کی تعداد 7 ہزار سے بڑھ چکی ہے۔

اس سے قبل مملکت میں کرونا وائرس کے یومیہ نئے کیسز 100 سے بھی کم آرہے تھے، 7 ماہ بعد اب نئے کیسز دوبارہ بڑھ رہے ہیں۔

Comments

- Advertisement -