مکہ مکرمہ : سعودی فرمانروا شاہ سلمان بن عبدالعزیز اور ولی عہد شہزادہ محمد بن سلمان نے امت مسلمہ کو عید کی مبارکباد دی۔
تفصیلات کے مطابق خادم الحرمین الشریفین شاہ سلمان اور سعودی ولی عہد شہزادہ محمد بن سلمان نے امت مسلمہ کو عید کی مبارکباد دی۔
مسلم ممالک نے شاہ سلمان اور ولی عہد کو حج کے بہترین انتظامات پر مبارکباد پیش کی۔
عرب میڈیا نے بتایا کہ سعودی ولی عہد محمد بن سلمان نے منیٰ کا دورہ کیا اور حج انتظامات کا جائزہ لیا۔
خادم الحرمین الشریفین شاہ سلمان اور ولی عہد محمد بن سلمان نے حج انتظامات پراطمینان کا اظہار کیا۔
مزید پڑھیں : سعودی عرب سمیت دیگر عرب ممالک میں آج عیدالاضحیٰ منائی جارہی ہے
سعودی وزارت صحت کے مطابق دوران حج گرمی سے طبعیت خراب ہونے کے واقعات میں نوے فیصد کمی آئی، سعودی حکومت نے حجاج کو گرمی سے بچانے کے لیے خصوصی انتظامات کیے ہیں، صحت سمیت سکیورٹی اور صفائی کے بھی بہترین انتظامات کیے گئے۔
خیال رہے رواں سال 16 لاکھ تہتر ہزار سے زائد افراد نے حج کی سعادت حاصل کی، حجاج کرام کی پاکستان واپسی کا سلسلہ دس جون سے شروع ہوگا۔
مناسک حج کی ادائیگی کا سلسلہ جاری ہے، شیطان کو کنکریاں مارنے کیلئے حجاج کی مزدلفہ سے منی پہنچ گئے ہیں، جہاں وہ رمی میں مصروف ہیں۔
رمی کے بعد حجاج قربانی کرکےسرمنڈواکراحرام کھول دیں گے، طوافِ زیارت اورسعی کے بعد حجاج کرام منی لوٹ آئیں گے۔
جہاں وہ تینوں شیطانوں کو کنکریاں مارنے کے بعد منیٰ میں رہتے ہوئے زیادہ تر وقت عبادت میں گزاریں گے۔
