ریاض: سعودی عرب میں سوشل میڈیا پر ایک ویڈیو تیزی سے وائرل ہورہی ہے جس میں ایک معمر شہری نے پاکستانی زائر کو سردی سے بچانے کے لیے اپنی چادر اڑھا دی۔
اردو نیوز کے مطابق مدینہ منورہ میں مسجد نبوی ﷺ کی ایک ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ معمر شہری جن کی شناخت شیخ جبیر بن حمود کے نام سے کی گئی اور جو مدینہ منورہ کے رہائشی ہیں، مسجد نبوی ﷺ میں نماز کے بعد قرآن مجید پڑھ رہے ہیں۔
ان کے برابر میں ایک پاکستانی زائر سو رہا ہے، جب معمر شہری نے اسے سردی سے ٹھٹھرتے ہوئے دیکھا تو اپنی چادر اتار کر اسے اڑھا دی۔
سوشل میڈیا پر صارفین سعودی شہری کے اس اقدام کو بے حد سراہ رہے ہیں، صارفین کا کہنا تھا کہ کاش تمام افراد انسانیت نوازی کے اس جذبے کو سیکھ لیں۔
