سعودی عرب: رمضان میں اسکولوں کے اوقات کار کیا ہوں گے؟

ریاض: سعودی عرب میں رمضان المبارک کے مہینے کے دوران اسکولوں کے اوقات کار 9 بجے کردیے گئے ہیں۔

اردو نیوز کے مطابق سعودی عرب کے تمام ریجنز میں ماہ رمضان کے دوران اسکولوں میں تدریسی عمل کا آغاز صبح کے 9 بجے کیا جائے گا۔

دوسری شفٹ دوپہرکے 1 بجے شروع ہوگی جبکہ تعلیم بالغاں کے لیے خصوصی کلاسیں رات کے ساڑھے 9 بجے لگیں گی۔

جدہ کے ادارہ تعلیم کے ٹویٹر پر رمضان کے اوقات کے حوالے سے کہا گیا ہے کہ اسکول صبح 9 بجے شروع کیا جائے گا، ریاض اور دیگر شہروں میں بھی اسکولوں کا آغاز صبح 9 بجے کیا جارہا ہے۔

دیگر اداروں میں کام کا دورانیہ 5 گھنٹے رکھا گیا ہے جس کا آغاز صبح 10 سے سہ پہر 3 بجے تک ہے۔

Comments