کراچی : اسٹیٹ بینک نے صارفین کے لئے ریلیف کا اعلان کردیا اور قرضوں کی ادائیگی ایک سال تک مؤخر کرنے کی منظوری دے دی ، یہ سہولت ان کیلئےدستیاب ہوگی جن کی ادائیگی31دسمبرتک ریگولرہو۔
تفصیلات کے مطابق کورونا وائرس کے حوالے سے اسٹیٹ بینک کے اقدمات جاری ہے، مرکزی بینک نے صارفین کے لئے ریلیف کا اعلان کردیا۔
اسٹیٹ بینک نے صارف کے قرضوں کی ادائیگی ایک سال تک موخر کرنے کی منظوری دے دی ، صارف کے لیے قرض کا اصل زر ایک سال موخر کرنے کی مشروط اجازت دی گئی۔
مرکزی بینک کا کہنا ہے کہ گاڑی، گھر، ذاتی خرچ اور کریڈٹ کارڈ کے صارفین کا قرض موخر ہوسکے گا، یہ سہولت ان صارفین کے لئے دستیاب ہوگی جن کی ادائیگی 31 دسمبر تک ریگولر ہو۔
قرض کی ادائیگی موخر کرنے پر بینک کوئی فیس یا سود چارج نہیں کریں گے، جو صارفین سود یا منافع کی رقم ادا نہ کرسکیں وہ ری اسٹرکچر کی درخواست کرسکتے ہیں۔
قرضوں کو موخر یا ری شیڈول کرنے سے کریڈٹ ہسٹری متاثر نہیں ہوگی، قرضوں کی ری شیڈول اور موخر کرنے کی درخواست بینک ہلپ لائین پر کی جائے گی۔
