کراچی : اسٹیٹ بینک آف پاکستان نے سرمایہ کاری پر مارک اپ سات فیصد سے کم کر کے پانچ فیصد کر دیا، فیصلہ بزنس کمیونٹی کی طویل مدت سرمایہ کاری کیلئے کیا گیا۔
تفصیلات کے مطابق اسٹیٹ بینک آف پاکستان نے سماجیرابطے کی ویب سائٹ ٹوئٹر پر جاری بیان میں کہا کہ ٹی ای آر ایف کے تحت سرمایہ کاری پر مارک اپ سات فیصد سے کم کر کے پانچ فیصد کر دیا ہے جبکہ نان ٹیکسٹائل سیکٹر کیلئے لانگ ٹرم فنانسنگ پر بھی مارک اپ چھ فیصد سے کم کرکے پانچ فیصد کردیا گیا۔
1/2 SBP reduces markup rate on investment under SBP’s Temporary Economic Refinance Facility (TERF) to 5% (from 7%) and on Long Term Financing Facility for non-textile sector to 5% (from 6%) to extend the benefit of the recent reductions in policy rate.
— SBP (@StateBank_Pak) July 8, 2020
اسٹیٹ بینک نے یہ فیصلہ بزنس کمیونٹی کی سہولت کے لئے طویل مدتی سرمایہ کاری کے فروغ کیلئے کیا، پہلے سےکھلی ایل سیزپر بھی ٹی ای آرایف کی سہولت میسر ہوگی جبکہ ٹی ای آرایف سہولت محدود مدت کیلئے تمام سیکٹرزمیں سرمایہ کاری پرہوگی۔
2/2 SBP has also allowed TERF facility in cases where LCs/Inland LCs were opened prior, but retiring after the introduction of scheme on 17Mar20. TERF was introduced to provide a time bound incentive for investment in all sectors. https://t.co/Ix46d0uO6C
— SBP (@StateBank_Pak) July 8, 2020
گذشتہ روز بینک دولت پاکستان نے 30 ستمبر تک قرضوں کی اصل رقم کے التوا کی سہولت میں توسیع کا فیصلہ کیا تھا تاہم یہ سہولت صرف چھوٹے اور درمیانے کاروبار کی فنانسنگ، صارفی فنانسنگ، مکاناتی فنانس، زرعی فنانس اور مائیکرو فنانس کے لیے دستیاب ہوگی۔
