The news is by your side.

Advertisement

بینکوں کے ملازمین میں کرونا کے بڑھتے کیسز پر اسٹیٹ بینک کا ایکشن

کراچی: اسٹیٹ بینک نے بینکوں کے ملازمین میں کروناوائرس کے بڑھتے ہوئے کیسز پر ایکشن لے لیا اور ملک بھر کے بینک برانچز میں رینڈم کرونا ٹیسٹ کرانے کی ہدایت کردی۔

تفصیلا کے مطابق اسٹیٹ بینک نے کروناوائرس کے پیش نظر ملک بھر میں بینکس حکام کو خصوصی ہدایت جاری کی ہیں اور کہا  ہےکہ بینکس حکام کرونابچاؤ ایس او پیز پر عمل درآمد ہرصورت یقینی بنائیں۔

اسٹیٹ بینک نے تصدیق کی ہے کہ نیشنل بینک اسلام آباد کی 5برانچز کے کچھ ملازمین کے ٹیسٹ مثبت آئے۔ جبکہ نیشنل بینک ریجنل آفس، میلوڈی مین برانچ، آئی10 اور ایف6برانچز بند کردیے گئے ہیں۔

’کرونا سے بچاؤ کے لیے حفاظتی اقدمات پر سختی سے عمل درآمد کیا جائے‘۔

خیال رہے کہ کروناوائرس نے ملک بھر کے تمام اداروں اور شعبوں میں اپنے پنجے گاڑ لیے ہیں، پارلیمنٹ، محکمہ پولیس، عدالت اور میڈیا سمیت مختلف شعبوں میں کئی افراد کرونا سے متاثر ہوچکے ہیں۔

Comments

یہ بھی پڑھیں