ریاض : سعودی عرب کے مشرقی صوبے کے شہر الاحسا کے ایک اسکول میں خوفناک واقعہ پیش آیا ہے، جس میں طالب علم اسکول میں ہی محصور ہوگیا۔
عالمی خبر رساں ادارے کے مطابق الاحسا کے محکمہ تعلیم نے اسکول میں طالب علم کو بھول جانے پر تفتیش کا آغاز کردیا ہے۔
سعودی ذرائع ابلاغ کے مطابق ایک مقامی شہری نے سوشل میڈیا پر ایک ویڈیو شیئر کی ہے جو دیکھتے ہی دیکھتے وائرل ہوگئی، ویڈیو میں بتایا گیا ہے کہ ایک طالب علم کو اسکول میں بھول کر دروازے کو بند کردیا گیا ہے۔
ٹوئٹر پر وائرل ہونے والی ویڈیو میں شہری نے کہا ہے کہ اسکول سے زور زور سے چیخنے کی آواز آرہی تھی۔
🔴#عاجل🔴
🟨 #تعليم_الاحساء
✴️ تشكيل لجنة للتحقيق فيما تم تداوله بشأن مقطع فيديو ؛ لتواجد طالب داخل المدرسة خارج أوقات الدوام بإحدى مدارس مدينة الهفوف، وسيتم اتخاذ الاجراءات النظامة. pic.twitter.com/s13G4gcxEo— محمد الغزواني (@Mohmad32966979) April 4, 2023
جب قریب گیا تو دیکھا ایک بچہ کھڑی سے جھانک رہا ہے اور مدد کے لیے پکار رہا ہے۔ شہری نے کہا کہ طالب علم کو اسکول میں بھول کر دروازہ بند کردیا گیا ہے۔
ویڈیو وائرل ہونے کے بعد وزارت تعلیم نے محکمہ تعلیم الاحسا کو تفتیشی کمیٹی قائم کرنے کی ہدایت کردی ہے۔
محکمے نے کہا ہے کہ فوری طور پر تمام متعلقہ فریقوں سے پوچھ گچھ شروع کردی ہے اور نتائج سامنے آنے پر عوام الناس کو آگاہ کردیا جائے گا۔