site
stats
بزنس

کراچی:سی این جی اسٹیشنزکی بندش کے شیڈول میں تبدیلی

کراچی : سوئی سدرن گیس کمپنی کی جانب سے سی این جی اسٹیشنز کی بندش کے شیڈول میں تبدیلی کردی گئی ہے، کراچی سمیت سندھ بھر میں سی این جی اسٹیشن آج صبح سے چوبیس گھنٹے کے لیے بند کر دیئے گئے۔

سوئی سدرن گیس کمپنی کی جانب سے سندھ بھر میں سی این جی اسٹیشنزکی بندش کے حوالے سے نئے شیڈول جاری کیا ہے ، ترجمان ایس ایس جی سی کے مطابق سی این جی اسٹیشنز آج صبح آٹھ بجے سے چوبیس گھنٹے کیلئے بند رہیں گے۔

سابقہ شیڈول میں سی این جی اسٹیشنز جمعہ کو چوبیس گھنٹے کیلئے بند ہونا تھے۔

حکام کا کہنا ہے کہ گیس فیلڈ سے پریشر میں کمی کے باعث سی این جی اسٹیشنز بند کرنے کے شیڈول میں تبدیلی کی گئی ہے۔

سی این جی ایسوسی ایشن کے وائس چیئرمین احمد علی کا کہنا ہے کہ سوئی سدرن گیس کی جانب سے شیڈول تبدیل کئے جانے سے پبلک ٹرانسپورٹ اور ایمبولینس سروس کو مشکلات کا سامنا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top