لاہور : وفاقی وزیر تعلیم و پیشہ وارانہ تربیت کا کہنا ہے کہ سعودی حکام نے پاکستانی طلبا کے لیے اسکالرشپس فراہم کرنے کے سلسلے میں تعاون کی یقین دہانی کرائی۔
تفصیلات کے مطابق وفاقی وزیر تعلیم و پیشہ وارانہ تربیت رانا تنویر حسین نے بین الاقوامی اسلامی یونیورسٹی کے داخلہ ایکسپو سے خطاب کرتے ہوئے کہا انڈسٹری اور جامعات مل کر تحقیق و تعاون کے زریعے ملکی مسائل کا حل نکالیں۔رانا تنویر حسین
رانا تنویر حسین کا کہنا تھا کہ فنی تعلیم اور تکنیکی تجرںہ رکھنے والے افراد کی پوری دنیامیں مانگ ہے، حکومت پیشہ وارانہ تعلیم پر خصوصی توجہ دے رہی ہے، یونیورسٹیاں پیشہ وارانہ تعلیم کے پروگرام شروع کریں.۔
وفاقی وزیر نے کہا کہ دورہ سعودی عرب کے دوران باہمی تعلیمی تعاون کے فروغ پر گفتگو ہوئی ، بین الاقوامی اسلامی یونیورسٹی اور سعودی عرب کی امام محمد ابن سعود یونیورسٹی کے مابین جاری تعاون پر بھی گفتگو کی گئی۔
انھوں نے بتایا کہ سعودی عرب کے حکام نے پاکستانی طلںا کے لیے سکالرشپس فراہم کرنے کے سلسلے میں تعاون کی یقین دہانی کرائی ہے۔
رانا تنویر حسین کا کہنا تھا کہ امن و برداشت اور اعلی تعلیم کے فروغ میں اسلامی یونیورسٹی کا کردار قابل ستائش ہے ، اسلامی یونیورسٹی کی ترقی دیکھ کر خوشی ہوئی۔
تقڑیب میں رہنما جے یو آئی ف نے مولانا عںبد الغفور حیدری کہا کہ اساتذہ کے ادب میں ہی کامیابی ہے، طلبا و طالبات مسقبل کے معمار ہیں ، انتظامیہ کو مبارکباد دیتا ہوں۔
مولانا عںبد الغفور حیدری کا کہنا تھا کہ اسلام کی ترویج میں بین الاقوامی اسلامی یونیورسٹی کا کردار مثالی ہے، اسلام کے پیغام امن کو عام کرنے میں جامعات کا کردار کلیدی ہے۔
