The news is by your side.

Advertisement

بیلجیئم میں اسکول عمارت منہدم، ہلاکتوں کی تصدیق

برسلز : بیلجیئم میں اسکول کی زیر تعمیر عمارت اچانک زمین بوس ہوگئی، حادثے میں پانچ افراد ہلاک اور متعدد زخمی ہوگئے۔

غیر ملکی خبر رساں ادارے کی رپورٹ کے مطابق یورپی ملک بیلجیئم کے علاقے انتورپن میں اسکول کی زیر تعمیر عمارت میں تعمیراتی کام جاری تھا کہ بلڈنگ اچانک منہدم ہوگئی جس کے نتیجے میں متعدد افراد ملبے تلے دب گئے۔

حادثے کی اطلاع ملتے ہی ریسکیو اداروں نے جائے وقوعہ پر پہنچ کر امدادی کاموں کا آغاز کیا اور 5 لاشیں اور 9 زخمیوں کو اسپتال منتقل پہنچایا۔

ریسکیو حکام کا کہنا ہے کہ اسپتال منتقل کیے گئے زخمیوں میں تین کی حالت انتہائی تشویشناک ہے۔

حکام کا کہنا ہے کہ حادثہ جلدبازی کی وجہ سے رونما ہوا، اسکول میں یکم ستمبر سے دوبارہ تدریسی سلسلے کا آغاز ہونا ہے، جس کے لیے تیزی سے تعمیراتی کام جاری تھا۔

Comments

یہ بھی پڑھیں