تازہ ترین

پشاور: اسکولوں کی فیس تین فیصد سے زیادہ بڑھانے پر پابندی عائد

پشاور : عدالت نے اسکولوں کی ماہانہ فیسیں تین فیصد سے زیادہ بڑھانے پر پابندی عائد کردی اس کے علاوہ چھٹیوں کے دوران طلبہ سے ٹرانسپورٹ فیس بھی نہیں لی جا سکے گی۔

تفصیلات کے مطابق پشاور ہائیکورٹ نے والدین کی فریاد سن لی، نجی تعلیمی ادارے طلباو طالبات کی ماہانہ فیسیں تین فیصد سے زیادہ نہیں بڑھاسکتے۔

چھٹیوں کے دوران طلبہ سے ٹرانسپورٹ فیس لینے پر بھی پابندی ہوگی، فیسوں میں اضافے سے متعلق تفصیلی فیصلہ سنا دیا گیا۔ پشاور ہائیکورٹ نے مہنگے نجی اسکولوں کو لگام ڈال دی۔

عدالت عالیہ نے حکم جاری کیا ہے کہ نجی تعلیمی ادارے فیسوں میں تین فیصد سے زیادہ اضافہ نہیں کر سکتے۔ اضافی فیس لینے والے اسکول کے خلاف علاقے کا تھانیدار کارروائی کر سکے گا۔

اس کے علاوہ چھٹیوں کے دوران طلبہ سے ٹرانسپورٹ فیس لینے پر پابندی عائد کردی گئی ہے۔ اسکولوں کے سمر کیمپ بھی بند کردیئے گئے۔

عدالت نے تفصیلی فیصلے میں ریگولیٹری اتھارٹی کی منظوری کے بغیر نئے نجی تعلیمی ادارے کھولنے پرپابندی لگا دی ہے۔


مزید پڑھیں: اسکول فیسوں میں5 فیصد سے زائد اضافہ غیرقانونی قرار


اسکول وینوں کے المناک حادثے روکنے کیلئے عدالت کا کہنا ہے کہ پبلک ٹرانسپورٹ سے لٹک کر جانے پر اسکول مالکان کا چالان ہوگا، ٹریفک اہلکار اساتذہ اور پرنسپل کو بھی چالان دینے کےمجاز ہوں گے۔

Comments

- Advertisement -