The news is by your side.

Advertisement

چمکتی ہوئی جلد کا راز کیا ہے؟

کراچی: معروف ماڈل مشال خان نے اپنی چمکتی ہوئی جلد کا راز بتاتے ہوئے کہا کہ انہوں نے طویل عرصے سے گوشت کھانا چھوڑ رکھا ہے، جس کے بعد ان کی جلد کے مسائل ختم ہوگئے۔

تفصیلات کے مطابق معروف ماڈلز اور اداکاراؤں انمول بلوچ اور مشال خان نے اے آر وائی ڈیجیٹل کے پروگرام گڈ مارننگ پاکستان میں شرکت کی اور اپنی چمکتی جلد کا راز بتایا۔

مشال نے بتایا کہ انہوں نے طویل عرصے سے گوشت کھانا چھوڑ رکھا ہے، جب وہ گوشت کھاتی تھیں تو انہیں ایکنی کا مسئلہ تھا جبکہ ان کے چہرے پر چمک بھی نہیں تھی۔

انہوں نے بتایا کہ وہ صرف سبزیاں کھاتی ہیں جبکہ مشرومز، ریڈ بینز (سرخ لوبیہ)، مٹر اور زیتون بہت زیادہ کھاتی ہیں۔

انمول بلوچ نے بتایا کہ وہ گوشت، پھل، سبزیاں سب کھاتی ہیں ساتھ میں ان کی خوراک میں مکھن اور دیسی گھی بھی شامل ہے۔ انہوں نے بتایا کہ روزانہ میک اپ اتارنے کے بعد وہ چہرے پر بادام کا تیل لگاتی ہیں جس سے ان کی جلد چمک اٹھتی ہے۔

مشال نے بتایا کہ وہ روزانہ چہرے پر برف کی ٹکور کرتی ہیں، اس کے بعد اسے خشک کر کے ٹونر اور وٹامن سی کا سیرم لگاتی ہیں، یہ ان کی روزانہ کی روٹین ہے۔

دونوں نے اپنے چہرے پر استعمال کیے جانے والے بیسز کے بارے میں بھی بتایا۔

Comments

یہ بھی پڑھیں