اسلام آباد : سیکریٹری جنرل پی ایف یو جے ارشد انصاری کا کہنا ہے کہ آج 2 بجے انشااللہ اے آر وائی نیوز کی بحالی کے حوالے سے اچھی خبر کی امید ہے۔
تفصیلات کے مطابق سیکریٹری جنرل پی ایف یو جے ارشد انصاری نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ تقریباً3ہفتےسےاےآروائی نیوز کی نشریات بندہیں، چینل کی اتنی لمبی بندش صحافی برادری کا معاشی قتل ہے۔
سیکریٹری جنرل پی ایف یو جے کا کہنا تھا کہ سندھ ہائیکورٹ کا واضح حکم ہے اے آر وائی نیوز کی نشریات کوبحال کیا جائے۔
ارشد انصاری نے کہا آج 2 بجے انشااللہ اچھی خبر کی امید ہے، کے پی، پنجاب میں اے آروائی نیوز کی نشریات کو بحال کرنا چاہیے۔
پیٹرولیم مصنوعات کی قیمتوں میں اضافے کے حوالے سے ان کا مزید کہنا تھا کہ حکومت نے پٹرول بم گرایا ہے، مہنگائی بڑھتی جارہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں