لاہور : اسموگ کے باعث لاہورڈویژن سمیت مخصوص اضلاع میں تین روز کیلئے دفعہ ایک سوچوالیس نافذ کردی گئی۔
تفصیلات کے مطابق لاہور شہراور گردونواح میں اسموگ کا سلسلہ جاری ہے، محکمہ داخلہ پنجاب کے حکم پر اسموگ کے باعث لاہور ڈویژن سمیت مخصوص اضلاع میں دفعہ 144نافذ کردی گئی۔
محکمہ داخلہ پنجاب نے کہا ہے کہ دفعہ 144 کا نفاذ 3 روز کیلئے ہوگا، اضلاع میں لاہور،قصور،شیخوپورہ اور ننکانہ صاحب ، گوجرانوالہ،حافظ آباد،نارووال اورسیالکوٹ شامل ہیں۔
ان اضلاع میں ایک سو چوسالیس کے تحت فصلوں کا کچرا جلانے پر پابندی ہوگی، اس کے علاوہ کوڑا،پلاسٹک بیگ،اسموگ کاباعث بننےوالی اشیا جلانے پر بھی پابندی عائد ہے جبکہ ریسٹورنٹس میں ڈائن ان،سینما،تھیٹرز،جمنازیم،پارکس پردفعہ144کانفاذہوگا۔
محکمہ موسمیات کا کہنا ہے کہ لاہورمیں8اور9نومبرکی درمیانی شب ہلکی بارش کاامکان ہے، ہلکی بارش سےاسموگ میں معمولی کمی آسکتی ہے تاہم بارش کے فوری بعداسموگ پھربڑھ جائےگی اور 15 نومبرکے بعد سردی شروع ہونے کا امکان ہے۔
