The news is by your side.

Advertisement

سلامتی کونسل نے مقبوضہ کشمیر میں سیاسی قیدیوں کی رہائی ضروری قرار دے دی، منیر اکرم

واشنگٹن: اقوام متحدہ میں پاکستانی مستقل مندوب منیر اکرم نے کہا ہے کہ سلامتی کونسل نے مقبوضہ کشمیر میں سیاسی قیدیوں کی رہائی ضروری قرار دی ہے، اجلاس میں مقبوضہ کشمیر پر تفصیلی بحث ہوئی۔

تفصیلات کے مطابق اقوام متحدہ میں پاکستانی مستقل مندوب منیر اکرم نے اے آر وائی نیوز سے خصوصی گفتگو کرتے ہوئے کہا کہ مقبوضہ کشمیر میں سلامتی کونسل کا اجلاس ہونا بڑی کامیابی ہے، سلامتی کونسل ارکان میں سے کسی نے اجلاس کی مخالفت نہیں کی، اجلاس میں پاکستان کے موقف پر تفصیلی بریفنگ دی گئی۔

منیر اکرم کے مطابق سلامتی کونسل نے مقبوضہ کشمیر کی سنگین صورتحال کو تسلیم کیا، اجلاس میں پاکستان اور بھارت میں تناؤ کو سمجھا گیا، کشمیر میں بھارتی غاصبانہ اقدامات میں اضافہ تسلیم کیا گیا، سلامتی کونسل نے اتفاق کیا کہ بھارت فوجی مبصرین سے تعاون نہیں کررہا۔

مزید پڑھیں: سلامتی کونسل اجلاس نے ثابت کیا کہ مسئلہ کشمیر اقوام متحدہ کی فہرست میں ہے: دفتر خارجہ

انہوں نے کہا کہ سلامتی کونسل کا اتفاق تھا کہ بھارت کو 5 اگست کے اقدامات واپس لینے چاہئیں، مقبوضہ کشمیر کی سنگین صورتحال اور مودی کے اقدامات پر دنیا کو تشویش ہے، بھارت پر جارحانہ اقدامات کا سلسلہ روکنے کا دباؤ ہے، بھارت پر یہ بھی دباؤ ہے کہ پاکستان مخالف رویہ ترک کرے۔

منیر اکرم نے کہا کہ دنیا نے مان لیا کہ کشمیر بھارت کا داخلی معاملہ نہیں عالمی تنازع ہے، اب سلامتی کونسل مقبوضہ کشمیر کے تنازع کو دیکھ رہا ہے، مقبوضہ کشمیر پر اقوام متحدہ کی قراردادوں میں دوبارہ جان پڑ گئی ہے۔

انہوں نے کہا کہ سلامتی کونسل اجلاس میں قراردادوں کو تسلیم کیا گیا ہے، دنیا مان رہی ہے کہ مسئلہ کشمیر کا تنازع اقوام متحدہ کی قراردادوں کے تحت حل ہوسکتا ہے۔

fb-share-icon0
Tweet 20

Comments

comments

یہ بھی پڑھیں