ہرنائی : سیکیورٹی فورسز نے بلوچستان میں آپریشن کامیاب آپریشن کرتے ہوئے بی ایل اے کے چھ اہم دہشت گردوں کو ہلاک کردیا۔
تفصیلات کے مطابق بلوچستان کے علاقے ہرنائی میں دہشت گردوں کیخلاف سیکیورٹی فورسز نے کامیاب آپریشن کیا۔
ذرائع نے بتایا کہ فورسز نے ہرنائی میں 12ستمبر کو بی ایل اے کے ٹھکانوں پر جوائنٹ آپریشن کیا ، خفیہ اطلاعات کی بنیاد پر آپریشن میں بی ایل اےکے 6 اہم دہشت گرد مار گئے۔
ذرائع کا کہنا تھا کہ ہلاک دہشت گردوں میں شافو سمالانی عرف تادین، سرمد خان عرف دستین ، محمد گل مری عرف واحد بلوچ، غلام قادرمری عرف انجیر بلوچ شامل ہیں۔
ذرائع نے کہا کہ عبید بلوچ عرف فدا اور تاج محمد عرف بابل بھی ہلاک دہشتگردوں میں شامل ہیں، ہلاک دہشت گرد سیکورٹی فورسز اور معصوم لوگوں پربراہ راست حملوں میں ملوث تھے۔
دفاعی ماہرین کا کہنا تھا کہ فورسز کی کامیابی واضح کرتی ہے کہ دہشت گردوں کی کمر ٹوٹ چکی ہے۔
