راولپنڈی: خیبر میں سیکیورٹی فورسز کے آپریشن میں 10 خوارج مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خیبر کے علاقے بآغ میں انٹیلیجنس بیسڈ آپریشن کیا اس دوران فائرنگ کے تبادلے میں 10 خوارج ہلاک ہوگئے۔
ترجمان پاک فوج کا کہنا ہے کہ سیکیورٹی فورسز کا علاقے میں ممکنہ خوارج کے خاتمے کے لیے سرچ آپریشن جاری ہے۔
آئی ایس پی آر کا سیکیورٹی فورسز دہشت گردی کی لعنت کو ختم کرنے کے لیے پرعزم ہیں۔
واضح رہے کہ گزشتہ روز سیکیورٹی فورسز نے ضلع کرک میں خوارج کے خلاف انٹیلی جنس بیسڈ آپریشن کیا جس کے نتیجے میں 6 خوارج مارے گئے تھے۔
15 فروری کو سیکیورٹی فورسز نے ڈی آئی خان کے علاقے ہتھلا میں انٹیلی جنس بیسڈ آپریشن کیا تھا جس کے نتیجے میں 9 خارجی مارے گئے تھے۔
